Romina Power ka kujtuar me dhimbje vajzën e saj, Ylenia Carrisi, e cila u zhduk 30 vite më parë në rrethana ende të pasqaruara. Ylenia, vajza e Romina Power dhe kantautorit Al Bano, u zhduk në janar të vitit 1994 në New Orleans, SHBA, dhe që atëherë nuk është parë më.

Pavarësisht kalimit të dekadave, Romina vazhdon të mbajë gjallë kujtimin dhe shpresën për të bijën, duke ndarë shpesh momente dhe fotografi të saj në rrjetet sociale, si një mënyrë për të përkujtuar dashurinë dhe mungesën që ndjen për Ylenian. Kjo tragjedi ka lënë një gjurmë të thellë në jetën e familjes dhe ka prekur zemrat e publikut anembanë botës.