SPANJE – Mossos d’Esquadra (policia katalanase) po heton një trajner futbolli të CD La Floresta, me bazë në Tarragona, i cili dyshohet se u ka kërkuar foto seksuale disa lojtarë të mitur, sipas Diari Més.

CD La Floresta siguron se ka aktivizuar protokollin për veprim kundër dhunës seksuale dhe ka hequr ndihmës-trajnerin e ekipit të saj U-19 B për “gjoja kërkesën për imazhe të natyrës seksuale” nga lojtarët e mitur.

“Pasi bordi i drejtorëve u informua për rastin e parë, ky person u hoq automatikisht nga të gjitha detyrat e klubit dhe për këtë arsye nuk është më pjesë e institucionit tonë ”, thuhet në një deklaratë të klubit.

Raste të reja…

Zyrtarët e klubit fundjavën e kaluar kanë mësuar se “ka pasur raste të reja”, kështu që ata vendosën të informojnë prindërit në të gjithë klubin, në mënyrë që ata të mund të pyesnin djemtë ose vajzat e tyre “nëse kanë pasur ndonjë lloj kontakti apo bisede me këtë person nëpërmjet mediave sociale”.

U raportua se kishte të paktën nëntë viktima… CD La Floresta pohon se do të mbështesë gjithmonë të prekurit dhe refuzon këtë lloj sjelljeje në të gjitha fushat.