Një agjent i fshehtë që punonte për agjencinë e inteligjencës izraelite është ekzekutuar nga Irani. Ekzekutimi i agjentit, i cili u gjet se ishte në kontakt me dy oficerë të Mossadit dhe u akuzua për kalimin e informacionit të klasifikuar dhe të ndjeshëm te armiqtë e Iranit, u cilësua si një “goditje e madhe e inteligjencës” ndaj rrjetit të spiunazhit izraelit.

Një agjenci lajmesh e lidhur me gjyqësorin iranian raportoi se një agjent i fshehtë që punonte për agjencinë e inteligjencës izraelite u ekzekutua pasi dënimi i tij u mbështet nga Gjykata Supreme.

“AI U DHA INFORMACION SEKRET DHE TË NDJESHËM ARMIQVE”

Mizan Online raportoi se i dyshuari Ismail Fikri u ekzekutua për dhënien e informacionit sekret dhe të ndjeshëm “armiqve” të Iranit.