Një edukatore në Korçë është arrestuar, pasi dyshohet se ka dhunuar një fëmijë 4-vjeçar në kopshtin ku ai qëndronte.

Ngjarja është denoncuar nga nëna e të miturit, e cila iu drejtua policisë pasi vuri re se prej disa ditësh djali i saj nuk ishte në gjendje të mirë. Sipas informacioneve paraprake, fëmija i kishte treguar nënës se ishte goditur nga edukatorja.

Pas kallëzimit, shërbimet e Komisariatit të Policisë Korçë kryen veprimet hetimore, përfshirë këqyrjen e pamjeve filmike. Në përfundim të verifikimeve, edukatorja u arrestua për veprën penale të “Keqtrajtimit të të miturve”.

Materialet procedurale i janë referuar Prokurorisë së Korçës për veprime të mëtejshme.